2005 V.Manuel Irujo Saria

 Baigorriko nafarra,  2005ko sariduna

Testua:  Koldo  Viñuales

Irujo Etxeko orok ohore handia dugu V. Manuel  Irujo saria Jean Haritschelharri ematean. Sari hau, bistan da, euskararen eta euskal kulturaren garra bizirik iraunarazteko ahaleginean eman den bizitzari egiten zaion onespena da.

Hala ere bada sarituarengan biziki harrotzen gaituen sentimendu handiko arrazoia, izan ere Jean nafarra da. Aurten, gure anagrama den seiburuan gure historiaren zati garrantzitsu diren seigarren merindateko biztanleak irudika ditzakegu.

Baina berriro ere itzul gaitezen Jeanengana. Irujo etxeak ezin zitzakeen ahantz euskararen normalizazioaren alde, berrogeita bi urtez, Euskal Herrian zehar egin dituzun lanak.

Andrés Urrutia, Miren Azkarate, Jean Haritselhar, Maria José Fernández eta Koldo Viñuales  aurreskuan.

Berrogeita bi urte luze da. Zuk Euskaltzaindian korritu duzun lasterketa maratoia izan da, garaitu duzun maratoia. Zure lan etengabeak euskararen desagerpena iragartzen zuen zenbait ahots isilarazi du. Bazenekien lan zaila zena, eta  ez zenuen amore eman horregatik. Frantzian euskararen egoerak hobera egin ez badu ere, zorionez, Nafarroan eta Euskal Autonomia Erkidegoan, euskararen berreskurapena nabarmena izan da.

Euskarak inoiz baino biziago dirau, eta zuk Euskaltzaindian egin duzun lanari esker, euskararen eta euskal kulturaren normalizazioa ez da utopia izanen. Bide luzea dugu aitzinean, baina erraten ahal dugu, Jean, ekin diozun bideak etorkizunerantz garamatzala Gure eskerrik beroena eta zuk ilusio handiz hasi zenituen proiektuak datozen belaunaldiek osa ditzatela

 Zorionak Jean eta segi aurrera !!!