2015 Josu Chueka Ikerlari eta historialari handia

 Ikerlari eta historialari nahiko ezaguna gure diziplinan duguna. Gizon oso landuta, eskarmentu handikoa bai artxibategietan bai liburutegietan lan opari dexente eskeini dizkigu ezagutza gune horietan oinarrituta. Denok dakigun bezala ikertzeko bere gairik kuttunena euskal nazionalismoa izan dela. Alta adierazpen hau ez da inolaz ere bere iharduerari profesionalarekiko justua izaten zeren berak landu eta maite dituen historiako gaiak anitzak izan dira eta bere ibilibide profesionala bai zentzu akademikoan bai euskal herri kulturan aldetik askoz ugariagoa da bere curriculum unibertsitarioan agertzen dena baino.

Artikulugile oparoa, historiako elkarteetako bultzatzaile (Geronimo de Uztariz, Udako Euskal Unibertsitatea edo Eusko Ikaskuntza, deituriko kultur eta historiako elkarteetako sortzaile eta kide izan delarik), euskal prensa sostengatzaile eta parte hartzaile, nekaezinezko hizlari, Trantsizioko memoria historikoaren langile eta garai hartako lekuko pribilegiatua ere bai, bata bestearen atzetik hauek dira berak azaltzen dituen dohain batzuk. Historialari nekaezina izan da eta oraindik bere sasoian dago ezagutza historikoaren ekoizpenean.

Gure ustez Chuecak ez du inoiz ahaztu historialari on bat izateko behar diren baldintzak: langile amorratua izateaz gain kaleko errealitatetik ez aldentzea. Handik datorkio berak duen errealitatearekiko usaina, usain soziala, kritikoa, aurrerakoia. Berak, ia ia beste guztiok bere iharduera hau nabaritu gabe, gizarte mugimendu, erreibindikazio protesta edo ta kalean mugitzen ari diren berritasunetatik oso hurbil egon da beti. Kualitate horrek bere historiako lanari funtsezko ezaugarria eman dio.

Emilio Majuelo en la entrega del Premio Manuel Irujo

Horregatik beraren lanak irakurtzerakoan bi irakurtzeko mailak erabili behar dira lan guzti hori besteontzat ulergarriagoa izan dadin. Lehenengoa honetaz datza: historiaz idatzi duena, ondo finkatuta eta dokumentatuta izanik, balore propioa darama; bigarrena aurrekoa bezain bitxia da: esaten duena noiz, nola eta non aipatzen duen moduak berataz asko argitzen digu guri irakurleoi. Berarekin historia ikasteaz gain berak idatzi duena idatzi duen momentuaz asko irakasten baitigu joandako euskal munduaz eta garaietaz. Historiako iragana eta oraingoa uztartuz argiki azaltzen baitu gure historia berria ulertzeko bidea.

Emilio Majuelo realizó la entrega de la medalla a Josu Chueca

Emilo Majuelo